24-28.02.2020 ж. аралығында «Кәсіби техникалық пәндер» бірлестігінің ұйымдастыруымен «Ел болашағы – білікті маман қолында» тақырыбында апталық өткізілді. Апталық барысында студенттер арасында түрлі сайыстар, бірлестікке қарасты үйірменің жарыстары, дәріс сабақтары, интеллектуалды ойындар сайысы, ашық сабақтар өткізілді.

26.02.2020 ж. Т.Мұстаяповтың ұйымдастыруымен «Жол жүру ережесін білесіз бе?» тақырыбында ашық тәрбие сағаты өткізіліп, тәрбие сағатына облыстық ішкі істер департаментінен және Қорқыт Ата атындағы ҚМУ-нен мамандар келіп қатысты. Жолда жүру ережесіне байланысты сұрақтар қойылып, заңдағы өзгерістер мен жол белгілері туралы түсіндірме жұмыстары жүргізілді.

27.02.2020 ж. бірлестік оқытушысы А. Шукеевтің ұйымдастыруымен       «Мамандығым-мақтанышым» тақырыбында«Ауыл шаруашылығын механикаландыру» және «Фермер шаруашылығы» мамандығы бойынша сала мамандарымен кездесу өтті. Осы күні «Ветеринария» мамандығының студенттері арасында З.Алтынбай «Зияткерлік сайыс» ұйымдастырып нәтижесінде В-17оР оқу тобы жеңіске жетті. Сонымен қатар, Б. Әбілқасымның ұйымдастыруымен колледж студенттері арасында «Денсаулық – 2020» тақырыбында волейболдан топтар арасында жарыс ұйымдастырылды. Жарысқа 7 топ қатысты. Жарыс нәтижесі бойынша ОП-17оР оқу тобы жеңіске жетті.