14.01.2020 жылы колледж студенттеріне құқық бұзушылықтың алдын алу, зиянды әдеттердің денсаулыққа зияндылығын түсіндіруге арналған құқық қорғау органдары, тауарлар мен көрсетілетін қызметтердің сапасы мен қауіпсіздігін бақылау департаменті, білім және денсаулық саласы өкілдерінің қатысуымен жұмысшы тобы құрылып, түсіндірме жұмысы жасалды. Шара барысында «СНЮС» шегуге арналмаған темекі және темекісіз өнімдердің зияндылығы, психикалық белсенді заттардың кері әсері, қылмыстық іс-әрекетке не жататыны мен оның салдары туралы айтылды.

Кездесуге Қызылорда қалалық полиция басқармасы жергілікті полиция қызметі бөлімінің ювеналды полиция бөлімшесінің учаскелік полиция инспекторы, полиция капитаны Г.М.Қорғанбаева, облыстық жастар денсаулығы орталығының психолог маманы Г.Алтынбаева және Қызылорда қалалық тауарлар мен көрсетілетін қызметтердің сапасы мен қауіпсіздігін бақылау басқармасының бөлім басшысы Г.Т.Күлмахановалар келіп, студенттердің сұрақтарына жауап берді.