04.10.2019 ж. «Ақмешіт» колледжінде ұстаздар күніне арналған «Ұстаз аты мәңгілік, жадымда қалар жаңғырып» атты салтанатты жиын өтті.

Колледж белсенді жастары таңертең барша ұстаздар қауымын гүл шоқтарымен күтіп алып, мерекелік көңіл-күй сыйлап, ұстаздар қауымын төл мерекелерімен құттықтап, ұлағатты оқытушыларымызды атаулы номинациялармен марапаттады.

Салтанатты жиын барысында колледжіміздің оқытушысы М.Сыбанқұловаға кәсіподақ комитетінің алғысхаты табысталды. «Ақмешіт» жастары ұстаздарына деген алғыстарын концерттік бағдарлама қою арқылы жеткізді.