«Ақмешіт» колледжі Тәуелсіздік мерекесін салтанатты түрде кеңінен атап өтті. Шара барысы 1-курс студенттерінің саптай тізіліп, тік тұрып ҚР Әнұранын орындаудан басталып, хордың орындауында «Атамекен», «Мен қазақпын» әндері айтылып, патриоттық әндердің шырқалуымен аяқталды. Мереке барысында апта бойы «Жалпы білімдік пәндер» бірлестігінің ұйымдастыруымен өткен шаралар бойынша үздік көрсет­кіштерге қол жеткізген студенттерге дипломдар мен ақшалай сыйлықтар табысталды.

Сонымен қатар, шараға Желтоқсан оқиғасының куәгерлері Г.Жаркенова және Г.Баялиева секілді батыр-аналарымыз шақырылып, сөз сөйлеп, естеліктерімен бөлісіп, Тәуелсіздік таңын атырудағы үлестері үшін колледж атынан сый-сияпат жасалды.