Қазақтың жақсы қасиеттерінің асылы – жомарттық, кең пейілділік. Жомарт болу — өзіңде барды зәру адаммен шын жүректен бөлісу. Осы орайда студенттердің санасына мейірімділік, қайырымдылық ұғымдарын қалыптастыру, әлеуметтік жағдайы отбасыларға көмек көрсету мақсатында «Ақмешіт» гуманитарлық-техникалық институтының студенттері 24.10.2019 ж. дәстүрлі «Жомарт жүрек» қайырымдылық акциясын өткізді.

Екі бағытта жүзеге асырылған акцияға студенттер тамақ өнімдері және қолөнер бұйымдарын дайындап, ұсынды. Институт әкімшілігі қызметкерлерінен арнайы Комиссия құрылып, нәтижесінде 100 000ға жуық ақша жиналып, түскен ақша әлеуметтік жағдайы төмен ақылы бөлімде оқитын студенттердің оқу ақысына жұмсалды. Осылайша жүректерінің жомарт екенін дәлелдеген институт студенттері жүлделі орындармен және номинациялармен марапатталды.

Акцияға сондай-ақ №7 және №235 мектеп оқытушылары шақырылып, мұғалімдер ұжымы аталған шараға өз үлестерін қосты.